सिन्धुली । नेपाल जेसुइत सामाजिक संस्थाले सिन्धुलीको भुवनेश्वरीका अग्नीपीडितका लागि १८० वण्डल जस्तापाता हस्तान्तरण गरेको छ ।

गत चैत २६ गते भएको डढेलोका कारण ४५ घर जलेर नष्ट भएको थियो । संस्थाले प्रतिघर ४ वण्डलका दरले जस्तापाता उपलव्ध गराएको हो । जस्तापाता रिलिफ नेपाल र सिन्धुली पुनर्निर्माण अभियानको सहकार्यमा वितरण गरिएको हो ।

प्रमुख जिल्ला अधिकारी ताराबहादुर कार्की, रिलिफ नेपाल सिन्धुलीका अध्यक्ष दुर्गाराज पौडेल, उपाध्यक्ष डण्ड गुरुङ, कार्यकारी निर्देशक खुशराज पौडेल सिन्धुली पुनर्निर्माण अभियानका संयोजक उज्वलविक्रम थापाले पीडितहरुलाई जस्तापाता हस्तान्तरण गर्नुभएको थियो । सोही अवसरमा आयाम क्लब खुर्कोटले खाद्यान्न तथा भाडाकुडा वितरण गरेको थियो ।

अग्नीपीडितका लागि सहयोग गर्ने सबैलाई धन्यवाद दिँदै प्रमुख जिल्ला अधिकारी कार्कीले विद्यालय तथा घरहरु बनाउन आइतबारदेखि नेपाली सेनाको सहायता लिने जानकारी दिनुभयो ।

सिन्धुलीको भुवनेश्वरी गाविसका वडा नम्बर १, ६,७,८ र ९ का जंगलमा गत चैत २६ देखि लागेको डढेलोले ४५ घर पूर्ण क्षति भएको थियो ।